لوووو ... الاجابات وصلت

لومكنتش مصري بس عربي

كانت هتبقى إيه نظرتك للمصريين واللي بيحصل في مصر دلوقتي؟

كنت هحمد ربنا على النعمة (النسبية) اللي أنا فيها

وهكون مندهشة ومتحسرة على

(خير أجناد الأرض)

وبجد بجد رغم كل حاجة

تظل مصر قلب الوطن العربي ومهبط القلوب

..

لوكنت أوروبي أو غير مسلم

بردو إيه نظرتك للعرب والمسلمين؟

لو مكنتش أعرف الاسلام حق المعرفة

كنت هقول دول ناس متعلقين باوهام لا تغير من حالهم شيئا ولو كانت حقيقة كانوا اتغيروا

ولو كنت أعرف عن الاسلام وعندي خلفية كويسة

كنت هقول اكيد دول مش زي المسلمين اللي كانو السبب في اللي احنا فيه دلوقتي

..

لوقالولك إنت بقيت رئيس جمهورية هتعمل إيه؟

هسلم الرئاسة لواحد زي اسماعيل هنية

واسيبها

لانها مسؤولية انا طبعا مش قدها

..

لوكان ينفع ترجع طفل تاني وتخليك طفل علطول هترجع؟ وليه؟

ساعات بحس اني نفسي ارجع واخليني هناك

في عالم الهدوء والمرح واللا هم

وساعات ارجع اقول

الحياة فيها لذات فكرية بردو عمري ما كنت هحسها بعقل طفلة

يعني

الحمد لله ان ربنا خلقنا في مراحل عمرية مختلفة

لكل منها طعمها الخاص

..

لوإنت طبيب وعندك مريض ميؤوس من حالته

أيهما تفضل

إنك تصارحه بالوضع وتقوله كل شيء بأمر الله في الاخرولا تغرس فيه الامل

لغاية لما يموت؟

غالبا هصارحه

عشان يستعد ويتعظ

وفي نفس الوقت

هغرس فيه الامل في الله وان الحياة بيده وحده

وان دي ممكن تكون مجرد اشارة من ربنا سبحانه وتعالى يوقظه بها

نسال الله حسن الخاتمة

..

لوسمح لك برؤية الرسول عليه الصلاة والسلاموإنك تقوله كلمة واحدة بس

أو جملة واحدة بس

هتكون إيه؟

سامحني

..

لوخطبت واحدة أو اتخطبتي لواحد

وأثناء الخطبة اكتشفت أو اكتشفتي إن الطرف الآخرغير قادر على الإنجاب

هيكون تصرفك إيه؟

يعني البني آدم ده ابي وامي فصصوه ووافقوا عليه

وانا اخترت اخلاقه ودينه وشخصيته

واتهرييييت صلاة استخارة

وربنا يسر الموضوع

وكمان

اتخطبنا وتعلقت بيه وهو في طريقه لان يكون كل حياتي

بجد بجد

تبقى ندالة لو تخليت عنه للسبب ده

لا لشيء

غير اني ممكن اكون في مكانه وساعتها مش هحب ان الانسان اللي اخترته يتخلى عني

عافانا الله واياكم

ومعذرة عالسؤال الرخم اللي زهق الناس كلها ده

:)

..

لوطلعت القمرهتكتب إيه عليه؟

هكتب أبيات كنت كتبتها من فترة وهي

سأنقش اسمك فوق القمر

بين النجوم اسمى من البشر

تضيء الكون وتُثري الفِكَر

فتلألأ في عيني كأحلى الدرر

وانثر الحب كعطر الزهر

فمنذ اليوم

سأحب الليل وأعشق السهر

لأنك القمر

..

لوكنا في عصر ازدهار الأندلس

كنت تتخيل نفسك إزاي؟

يااااااه

هتخيل نفسي في قصر من القصور البهية

بين الروابي والحدائق الغناء

أتفكر في جمال خلق الله

فيلهمني عذب الكلمات لأكون شاعرة عظيمة

كمان نفسي كان يبقى عندي حصان

:)

...

لوأنا مررت التاج ده لحد وما جاوبش عليهأعمل فيه إيه؟

الحمد لله لسه ما اتخذتش اي اجراءات

:)

همرر التاج ده كمان مرة معلش غلاسة بقى

أمرره لـ

وطني .. حبيبي الوطن الأكبر

بحب الحرية

حياتنا كلمات

:)ميخا>> أهو الاذن اهو

مدونة ابن عمر

وشرفك يابلدي سحابة وتعدي

براعم الكلمات

والسلااااااام عليكم