فاكرين فلسطين
وللا الهمّ لاهينا
فاكرين الانتفاضة
وللا التراب
منفوض علينا
تاه الشباب
وسط العذاب
(وشال الـ (نا
من كلمة مآسينا
فاكرين فلسطين
وللا الهمّ لاهينا
***
يا حق ضايع
في كل البلاد
من كتر الشتات
زاغت عنينا
وتاه انشراحنا
فـ جرح أرواحنا
والهمّ اتشال
واتحط علينا
فاكرين فلسطين
وللا الهمّ لاهينا
***
بتبكي العيون
تزيد الشجون
تقيد الحماسة
وأكل العيش
من تاني يطْفينا
فاكرين فلسطين
وللا الهم لاهينا
***
نمد الأيادي
نصرخ بلادي
أهلي وحبايبي
قلبي وفؤادي
نحس بهمومهم
نبكي بدموعهم
شوية ونرجع
تغفّل عنينا
فاكرين فلسطين
وللا الهم لاهينا
***
ذنوبنا سلاح
متسلط عليهم
وكل الجراح
جنتها إدينا
شايفين فلسطين؟؟
وللا الهمّ عامينا
***
غفلة وضياع
يقولي بتفاهة
كفاية صداع
كفاية اللي فينا
***
تعالى أقولك
مين اللي باع
وساب الديابة
في قلب المتاع
تعالى أقولك
مين اللي سلم
وخلّا الشهيد
في القبر يتألّم
تعالى أقولك
مين اللي خان
ودارى حقيقته
مابين الكلام
تعالى أقولك
إني وإنك
سبب الهموم
بضعف الايمان
والجبن اللي مالي
قلوبنا وعنينا
فاكرين فلسطين
وللا الهمّ لاهينا
***
هتقولي بدعي
هقول مش كفاية
طب هاتي الحلول
إيدك معايا
نبدأ حياتنا
في طريق الهداية
نصحح غلطنا
نقول لأ كفاية
نقاطع عدانا
واخواتنا في قوتنا
نقاسمهم معانا
يمكن قريب
أكييييد قريب
الناس تفوق
ونعلى لفوق
وتبقى فلسطين
صاحية في عنينا
ونبقى فاكرين
والهمّ منزاح
وما عادش لاهينا
....
لأخذ العلم
هذه أول تجاربي في هذا اللون
نسألكم النقد البناء
هناك 39 تعليقًا:
ماشاء الله لا قوة إلا بالله
حفظك الله بنيتي من كل سوء
اللهم آمين .. آمين .. آمين
آن الأوان لأقول أنا لك
دمت لي فخرا
يسر الله أمرك
لا أريد الإطالة لأنه
ما يحسد المال إلا صحابه
تجربة راااااااااااااااااااائعة
ولون جديد
صحيح يحتاج لبعض الصقل لكن الموهبة واضحة
و أبشر يا عالم الزجل بـ ( زاجلة ) مبدعة
مين يشهد للعروسة ياعمو خالد :D
رائعة كعادتك ياجهاد
حفظك الله وبارك فيكِ وبكِ وجعل قلمك سلاحا لنصرة الاسلام
بجد مبدعة :)
ماشاء الله لا قوة الا بالله
لا ينقد هذا اللون الا من استطاع ان يجاريه أو يجاوزه
لكن تكفيه العاطفه وعمق النظره لموضوعات القضيه
اللهم حرر اقصانا وتقبل دعانا
سلمت اناملك
ودمت بكل خير
خدتها الاستاذه اسماء من على لساني
من يشهد؟
بارك الله لكما فيكما
السلام عليكم اختنا الفاضله
حقيقه فان التجربه جميله جدا و بدايه مشرقه و لكن عندى استدراك بسيط فى تلك الابيات
نقاطع عدانا
واخواتنا في قوتنا
نقاسمهم معانا
يمكن قريب
أكييييد قريب
اعتقد بان هناك شىء مش منظم او حلقه مفقوده
تحياتى ابو مفراح
مررت من هنا
لأقرأ زجلا عاميا رائعل بلون جديد يذكرنا بقضيتنا الأولى والكبرى فلسطين
فلسطين في قلوبنا أختي
وسنظل بحول الله ( فاكرين فلسطين ) وكلماتك ستزيد في قلوبنا حبها
دمت مؤمنة
... بلال وهب
فعلا جميلة جدا
للنقد
في بعض المقاطع اللحن يتكسر
لكن جميلة ومؤثرة
جزاك الله كل خير
جزاكم الله خيرا كثيرا على تلك الكلمات
ويارب ينفع بك
وبعدين ليه بخيلة علينا بالمواهب الجميلة دى
أخر ما لدينا
مقال د/ محمد السيد
بين الأمن والإخوان
يسعدنا تشريفكم
جزاكم الله كل خير أختى الغالية والدكتورة المميزة على تلك الكلمات
التى ذكرتنا بما شغلتنا عنه الدنيا
أخر ما لدينا يوم خطوبتى بالصور
لا أجد تعليق على المضمون
أما نظمك له فرائع .. وموهبتك جميلة وتحتاج للصقل
أعانك الله
طبعا فاكرينها
وعمر طيفها ما يفارق عنينا
فاكرينها
لكن نظامنا حاطط سيف على ..رقابينا
فاكرينا
لكن القيود مكبله ..أيادينا
فاكرينها
لكننا اغراب فى أراضينا
فاكرينها
لكن كترت.. تلاهينا
فاكرينها
رغم كثرة ..مراثينا
وشايفينها
مهما غموا بالظلم ..عنينا
شايفينها
وجرحها نازف فى..خافقينا
وحنصونها
مهما طال الزمن ..بينا
حنصونها
وحيظل الأمل ..حادينا
حنصونها
مهما الظروف داقت..بينا
حنصونها
من كيد ..أعادينا
حنصونها
مهما فرطوا..مهرولينا
حنصونها
لحد أخر نفس .. فينا
حنصونها
لأن ده عار ولازم..بأيادينا
نحررها
ونغسل عارنا ..بإدينا
نحررها
ودى أغلى.. امانينا
تقبلى التحية وبعض تهانينا
ومنتظرين زيارتك الكريمة..لينا
وأن ما شالتكم الألرض ..نشيلكم جوه..عينينا
أبو حنين السكندرى
جيـــــــــل الصحوة
بسم الله ماشاء الله
نقد ايه وبناء ايه
ده انتي عايزه اشاده كبيره
برافو عليكي
قال نقد بناء قال
هو انتي عاوزة بعد الكلام ده حاجه تاني
وبعدين مين يشهد للعروسة يا عمو خالد
سبقتني أسماء ومحمد
دمت مبدعة
ماشاء الله
كلمات حلوة جدا
ومعاني أكثر من رائعة
على فكرة أنا عملتلها لحن
أه والله عملنلها لحن جميل
عوزينك تنوري في مدونتي
تحياتي لك
سلام
وطني
لا
مش مصدقة عنيا
أول تعليق مرتين ورا بعض
!!!
..........
أكرمك ربي وحماك لي وزادك بي فخرا
بعض مما عندكم يا أستاذي
دعواتك لي سقاء
:)
أسماء بنات
اللهم امين ولكِ بالمثل حبيبتي
اسالي الله لي القبول
دكتور حر
عن اي استطاعة لمجاراة تتحدث اخي غفر الله لي ولك
ما انا الا طفلة أحبو على بداية الطريق
فادعُ لنا بسلامة الوصول
:)
جزيتم خير نعيم الجنة
الكريم أبو مفراح
هل تقصد انقطاع في المعنى أخي أم ماذا
ان كان هذا هو المقصد
فافسر لك
عندما سئلت عن الحلول
كانت هذه الاجابات
مقاطعة الاعداء
ومشاركة الاخوة في القوت
علنا قريبا واؤكد انه قريب
سيستفيق الناس من سباتهم ونعود من جديد
اتمنى ان اكون اوضحت ما التبس وان لم افعل راجعني اخرى رجاء
شكر الله لك
الكاتب المميز
يشرفنا بالحضور
فهنيئا لنا هنيئا
...
سيدي الكريم .. بلال وهب
جزيت خيرا على الاطراء الكبير
وطمأن الله قلبك وجعل ذهنك دوما حاضرا
وعملك متقبلا وقلمك نافعا
جزيت الجنة
الفاضل .. بهاء
أكيد لازم يتكسر
الحمد لله انه ما اتفشفش
:D
بالتدريب ان شاء الله يصلح الحال
جزيت خيرا كثيرا
فلسطين هي ميزان لهذه الامه اذا صلحت الامه بقيت فلسطين واذا فسدت ضاعت فلسطين
وطالما احنا ناسيين فلسطين يبقي مش في اولويتنا الدين
من لم يهتم بأمر المسلمين فليس منهم
واللي مبيهتمش بفلسطين يلحق يشوف نفسه لانه فعلا علي خطر عظيم
اما الكلمات فكانت مؤثره بس انا معرفش في الزجل والشعر غير اني احفظ بعضهم بس مقدرش انقد لاني لااعلم
جزاكم الله خير
بالحق قادمون
واياكم
والله مش بخل ولا حاجة
اعتذر عن التقصير وان شاء الله قريبا لي مشاركة معكم
نسالكم الدعاء
اخي الكريم
مش هنسى
ذكرك الله بالخير دوما
.....
تم الحضور
:)
الفاضل وضاح
جميلة جدا هذه الـ
(اعانك الله)
نسال الله ان نكون على قدر الامانة
بوركتم
الفاضل جدا جدا جدا
السكندري
...........
لا تعليق
رائع وكفى
الكريم محمد مفيد
اكرمك الخلاق
جزيت خيرا كثيرا على هذه الاشادة الجميلة
صاحب المضيفة
كالعادة ترفعنا فوق قدرنا
نسال الله (لحسة) من هذا الابداع
:)
عبد الرحمن ياسين
ماشاء الله ايه السرعة دي
طيب عايزين نسمع
؟؟؟؟؟
حاضر باذن الله
الفاتح الجعفري
صدقت والله
وما ضيعها الا كثرة ذنوبنا
جزيت خيرا على مشاركتك الغنية
على فكرة
فكرة التلحين دخلت دماغي
بإذن الله هحاول أحطها على مدونتي
وعد مني
تحياتي لك
سلام
فلسطين فى القلب وحتفضل وائما فى القلب
تحياتى لك ولاء
بالرغم من اعتزالى النسبى لعالم المدونات
إلا ان هناك مدونات بطل عليها من غير ما حد ياخد باله
فى المرة دى ما قدرتش امشى من غير ما اسيب كلمة
ربنا يزيدك
ياسر سليم
عبد الرحمن ياسين
رائع جدا
في الانتظار بلهفة
ولاء
أتمنى أن تظل في القلب
و
الفعل
:)
لكِ ود
الكريم ياسر سليم
....
اهلا اهلا
ومرحبا ألف
شرف لنا وأي شرف سيدي أن تقتطع لنا من ثمين وقتك ردا ها هنا
شكر الله لك واجاب دعاءك
دمت في امان المولى
بوست جميل جدا كل يوم تثبتى فيه انكى نجمه صاعده
القسام
شهادة نعتز بها
جزيتم خيرا
الاستاذه النجمه الصامده
قبل كل شيء كل عام وانت بخير
اولا اهلا وسهلا بكي في عالم الشعر والزجل
انا سعيد جدا بهذه الكلمات الجميله واكتر حاجه عجبتني فيها الفكره
برغم ان موضوع فلسطين موضوع من وجهة نظر الشعر موضوع مستهلك جدا الا ان اختيار موضوع التذكره بفلسطين في وسط هذا الهم هو الجديد(فاكرين فلسطين ولا الهم لاهينا) ده اولا
ثانيا انا نظرتي للقصيده تجعلني انظر لثلاثة امور اولها الفكره ثم الاحساس ثم الوزن او البناء
وانا اعتقد ان في هذه القصيده الركنين الاولين ميه ميه
نيجي على موضوع الوزن
المشهور في هذا النوع من الشعر ان الشاعر بيستخدم وزن معين ويبدأ يكرره داخل القصيده او مايسمى بالتضعيفات
وفي هذه القصيد اماكن موزونه واكثرها اتزانا من وجهة نظري قولك
نمد الأيادي
نصرخ بلادي
أهلي وحبايبي
قلبي وفؤادي
نحس بهمومهم
نبكي بدموعهم
شوية ونرجع
تغفّل عنينا
لو خدتي بال حضرتك ان في هده الابيات الوزن بيتكرر كل سطرين وهو ده اللي بيحصل في مثل هذه القصائد
بعد الكلام الكتير ده كله انا عايز اقول ان حضرتك لديك الموهبه محتاجه بس شوية صبر مع مراعاة اعتقد انك حاتنحي زي مانجحتي هذه المره
في بس ملحوظه اخيره
في كلماتك
ذنوبنا سلاح
متسلط عليهم
وكل الجراح
جنتها إدينا
لو بس غيرنا كلمة عليهم الى علينا اعتقد من وجهة نظري انها حاتكون افضل
وده اقتراح مش تدخل
ربنا يكرمك ويديمك مهتمه بقضايا الامه
اسف للاطاله
اتمنى ان نتواصل دائما
الشاعر بن هلال
الشاعر بن هلال
لا املك سوى ان اقول
هذا ما كنت احتاجه ردا
:)
بالتاكيد سيكون هناك تواصل
للانتفاع بهذا الكم من العلم الذي رزقك الله به
>>> ايوة استغلال يعني
هههههههههههه
جزاكم الله خيرا على هذا النقد الثمين
إرسال تعليق