حمااااااااية ..كلية طب أسنان طنطا وحملة حماية

بداية .. بعتذر عن التاخير في تنزيل البوست والنوم اللي كنت فيه الفترة اللي فاتت بس والله غصب عني

وياريت تتعودوا على كدا الفترة الجاية لأني دخلت في معمعة المذاكرة والامتحانات والعملي وكدا

دعواتكم لينا بس .. مش علينا .. ركزوا لحسن تضيعوني

D:

....................

ام هند

بما اني انسانة ايجابية وشطورة وامورة وكل الحاجات الحلوة اللي انتوا عارفينها دي .. طبعا دي كلها حقائق يعني مش شكر في نفسي ولا حاجة

D:

عملت ايه بقى بما اني الحاجات اللي فوق دي

الحمد لله أختكم ربنا وفقها انها تشترك في الكلية في اسرة فيها ناس محترمين

اه الصراحة راحة يعني ناس جدعان اوي واخر ألسطة وزي الفل .. هبقى أكلمكم عنهم بعدين

الاسرة دي اسمها .. أسرة المستقبل .. في كلية طب الاسنان .. جامعة طنطا .. الدور الخامس هههههههاي

لا بضحك عليكو احنا مشردين في الادوار مالناش مقر :(

الحمد لله عملنا حاجات كتير جدا كويسة السنة دي وبقى لنا اسم محترم في الكلية في وقت يعتبر قياسي

بردو دا موضوع تاني نتكلم فيه بعدين

امال ايه يا حجة الموضوع اللي مش هنتكلم فيه بعدين

استنوا مانا جاية في الكلام اهو

................

الحمد لله ربنا وفقنا ناخد موافقة من الكلية إن إحنا ندعم حملة حماية عندنا

وكان دا بشهادة كل الاعضاء الحمد لله أفضل انجاز لينا السنة دي

الحمد لله ربنا يتقبل

و بما إن دا عمل فعلا أفتخر بيه فدا تقرير عن اللي عملناه في الحملة

ودعواتكم بالقبول

............

استغرق تفعيل الحملة في الكلية حوالي أسبوع تقريبا .. كان كالتالي

اليوم الأول:- (الأربعاء 19/3/2008)

تم لزق بوسترات الحملة في مختلف أنحاء الكلية ( عند المدرجات – العيادات – المعامل –في كل قسم ...........إلخ)

العدد:- ( 150بوستر مقاس صغير _ 6 مقاس كبير )

_______________________

اليوم الثاني:- (الاثنين 24/3/2008)

تم عرض الفيديو الخاص بالحملة في شاشة العرض الخاصة بالكلية .•

تم عمل كول للفرقة الرابعة في بداية محاضرة الجراحة الخاصة بالأستاذ الدكتور (محمد حسين) الذي وجدنا منه ترحيباً كبيراً , الساعة 11:30 وكان حضور الطلاب يتراوح بين 70 – 80 طالب وطالبة. •

تم عرض مجلة أسرة المستقبل (صوت المستقبل) والتي تحتوى على حوار أُجرى مع الأستاذ محمد خطاب , وتحتوى أيضا ً على بوستر الحملة . •

تم توزيع فلايرز على المكتبات الخاصة بكلية طب الأسنان خارج الكلية.

__________________________

اليوم الثالث:- (25 /3/200)

تم عمل كول للفرقة الاعدادى في نهاية محاضرة المورفولوجي الخاصة بالأستاذ الدكتور (راجية) الساعة 10:15 وكان حضور الطلاب يتراوح بين 140-150 طالب وطالبة

تم عمل كول للفرقة الأولى في بداية محاضرة المايكرو الساعة 11:30 وكان حضور الطلاب يتراوح بين 150(-170) طالب وطالبة

تم عرض الفيديو الخاص بالحملة على شاشة العرض الخاصة بالكلية طوال اليوم الدراسي

تم توزيع وملء عدد100 استقصاء عن الحملة على كل ٍ من الطلاب والدكاترة بالكلية (اليوم الثالث والرابع) ___________________________

اليوم الرابع :-الاربعاء (26/3/2008)

تم عمل كول للمرضى فى عيادة العلاج التحفظى الساعة 10:15 وكان عدد المرضى يتراوح بين (20- 25)

تم عمل كول لطلبة الفرقة الثانية اسنان فى نهاية محاضرة الاستعاضة الصناعية للاستاذ الدكتور مجدى مصطفى محمد ( وكيل الكلية لشئون التعليم والطلاب) الساعة 12:15 ظهراً • عدد الطلاب الحاضرين يتراوح بين (80-100 ) طالب وطالبة

تم عمل كول لطلبة الفرقة الثالثة فى بداية محاضرة الجراحة الساعة 1:45 ظهراً• عدد الطلاب الحاضرين يتراوح بين (30 -35) طالب وطالبة

تم توزيع وملء عدد من الاستقصاءات

تم توزيع ولصق عدد من البوسترز الخاصة بالحملة

تم عرض الفيديو الخاص بالحملة على شاشة العرض الخاصة بالكلية

________________________

اليوم الخامس :- الخميس (27/3/2008)

تم عرض الفيديو الخاص بالحملة على شاشة العرض الخاصة بالكلية

...................

تم بحمد الله

...........

وانا من هذا المزنق أحب اوجه شكر خااااااااااااص جدا لحبيبتي نونا :)

أو dr_coval

لأنها هي اللي عملت التقرير الشيك دا

فجزاها الله عنا خيرا

.........

دول بقى شوية صور كدا لقطناهم لكل واحد وهو بيقول الكول بتاعه

الحمد لله اختكم عملت كولين ما اتصورتش ولا صورة D: كله فيديو وطبعا مش هنزل فيديو عشان ما يتقلش الصفحة بقى وكدا

>>>>>>>>>> حجة البليد

D:

المهم اخليكم مع الصور

دي نونا وهي بتقول كول للمرضى

بعد ما وقفنا نضحك شوية على نفسنا هنكلمهم ازاي

كان موقف لذيذ أو الصراحة

الحمد لله

دي آية في كول سنة أولى

كانت معركة مش كول خير

دي اية بردو في كول سنة اولى بردو شفتوا بقى

أنا زعلانة من دكتورة راجية اوي على فكرة

يلا ربنا يسامحها

:(

وسسسسسسسع للباشا الكبير

دكتور عبد الرحمن

اللي ضحى بنفسه واخد كول اعدادي بس كان موفق الحمد لله

دا دكتور عبد الرحمن بردو

اه والله

D:

دي نونا وهي بتلزق البوستر بعد كول المرضى

دي نونا في كول الفرقة التالتة

كان كول جامد موت

هههههههههههههههههههههههه

بلاش نشتم بقى

ههههههههههههههههه

الصورة دي بقى طبعا شايفين نونا فيها

بس انا عايزة اوريكم حد تاني

شايفين الكابتن اللي هنااااااااااااك واقف بتي شيرت ابيض مكتوب عليه بالاخضر دا

دا عادل .. دكتور عادل .. الجندي المجهول

بجد ربنا يكرمه كان له دور كبير جدا في لزق البوسترات وتصوير الفيديو

وكل حاجة بجد

طبعا كان في معانا دكتورة ريهام ودكتور محمد قريبة ودكتورة ميادة ودكتورة اية تانية غير دي

بجد الكل كان بيشارك وله دور كبير بس للاسف ملهمش صور عندي مرة تانية في تقرير تاني باذن الله

فعلا فعلا

عايزة أقول من كل قلبي

إني أحبكم في الله يا احلى اسرة في الدنيا

ويارب دايما مجموعين على طاعة وهدف

.................

يلا اترككم في أمان الله .. دعواتكم