لو سألتك إنت مصري....؟!! النشيدة الوطنية

عندما تخلع السيدة الفاضلة (أم كلسون) .. الكلسون

فإن ذلك يُنبئنا بميلاد النجمة الصاعدة إلى سماء الفن

>>وهتقع تتكسر رقبتها إن شاء الله

خليفة الســــت.......البـــــت

كَوْكَوة الشرق >>> هي كده صح

وأصلها (كَوْكَوْ) من كوكو الأرض ونحوه

الفنانة....الفتانة

(نـــــــــانسي عجـــــرم)

وككل الحريات المكفونة في مصر .. تكفن حرية التثقف

وبالتالي حرية السؤال

لتسألك الفاضلة .. لو سألتك إنت مصري .. هتقولي إيــــــــه؟!!

وبتمد في(ايه) شوية

وكما كفنا حرية السؤال ندفن حرية الإجابة

وكدليل قاطع وبرهان ساطع على الديموقراطية

تملي عليك (الست) الإجابة في ذيل السؤال مباشرة

....لتقول

قولي مصري وابن مصري وكل مصري الله عليه >>> مش كلهم أوي يعني

قولها باعلى صوت >>> ده اللي فالحين فيه

وارفع راسك لفوق >>> عشان ما تشوفش الي بيجرا على الأرض

.

.

.

حتى تصل إلى

شربت من نيلها

طبعا قصدها نيل المية المعدنية اللي في الفريدج

غير النيل اللي ميته بتنزل ..يععععع... من الحنفيات

وقلبي حن لها >>> يعني أماكن وأماكن

أكيد البت النضيفة دي مش هتحن للعشوائيات ولا أكوام الزبالة مثلا

وقلت أغنيلها >>> أييييييييووووووووون كل واحد يخليه في حاله

غنوة محبة و......قهر >> بتصرف لأن انا اللي هغنيها دي

يارب خليها .. يارب احميها .. انصرها علّيها .. واحفظها من كل شر

ولكم أن تتخيلوا يا سادة

منظر الست وهي بالشورت ورافعة ايديها في خشوع وتدعو...لأرض الكنافة .. أأقصدي أرض الكنانة ... مصر

!!!!! مش بتقولوا آمين ليه؟؟

*******

طيب هو أنا بقول الكلام ده ليه.. أكيد مش بعمل دعاية لسديكة التفولة.. ننوسة

........الشخصية دي شخصيا ما بحبهاش .. وأول ما سمعت الأغنية دي

امتزجت مشاعري.. مابين حبي لبلادي .. وحنيني لأناشيدها الوطنية

التي لم تعد تتردد إلا على ألسنة الأجيال السابقة

والاندثار يتقدم نحوها بخطوات ثابتة

وبين أن تغني (هذه) لـ ... مصر

كلمات الأغنية بسيطة جدا.. ولكن في وقتنا الحاضر .. حيث تسيل المدامع ترجو ذرة احساس بالوطنية

وتتقطر القلوب حسرة على انعدام الانتماء والهوية ..

في هذه اللحظات

فإن مجرد ذكر مصر كثلاثة أحرف مجردة .. لهو كفيل بهطول سيل من المشاعر يُفيض الروح شجنا.

استمعت إلى الأغنية .. تناسيت كنه الصوت ومصدره

حتى وجدت بحر دمعي ساقني إلى

مصر التي في خاطري وفي فمي.. أحبها من كل روحي ودمي

ليعبر مركب حنيني فوق هدير موج يصخب ... الله أكبر فوق كيد المعتدي

حتى يرسو على مرفأ ... أخي جاوز الظالمون المدى .. فحق الجهاد وحق الفدا

لأتمرد على غرقي وأخرج إلى الشطئان حيث النوم والهذيان

وأصرخ

خلى السلاح صاحي صاحي صاحي

لو نامت الدنيا صاحي مع سلاحي

سلاحي في اديا نهار وليل صاحي

بينادي يا ثوار

عدونا غدار

خلي السلاح السلاح صاحي

صاااااااااااااااااااااااااااااااااااااااااااااااااااااااااااااااحي