تاج من الأخ علاء

إنت مين ؟
السؤال ده بتسئله على باب الشقة بس
والاجابة بتكون
انا الميلامين ابن عم امين اللي بيخطف العيال الصغيرين
نياهاهاها

لا بجد
اختكم جهاد خالد
بحب اسمي جدا لاني عايشة المعنى ده سيظل الجهاد خالدا

تجدوني على الشبكة .. (نجمة الاسلام) أ

و (سأظل صامدة) مزجت في مدونتي بين اسمي
لاني اتغذى الصمود حتى اكون نجمة للاسلام ان شاء الله
أعشق الأدب والعربية بجنون
وهبني ربي صوتا وعشقا للطرب استخدمه للدعوة اليه
كفاية رغي والباقي في البروفايل

مين أكتر ست أشخاص بتحبهم ؟
بعد حبيبي المصطفى طبعا

أمي وأبي(1)
إخوتي(2)
في ست أخوات في الله هعتبرهم (3)
سيدنا داوود عليه السلام(4)
دكتور يوسف القرضاوي(5)
احم احم .. زوج المستقبل (6)
ماحدش يبص على رقم 6..ماعلينا .. ما علينا

أنت سعيد؟

لا أنا جهاد >> خفيفة

الحمد لله كما ينبغي لجلال وجهه وعظيم سلطانه
الرضا جنة الدنيا ومستراح العابدين
فالى جانب ما تحتويه الحياة اليومية من هموم حملناها لله وحده
اجد قلبي مطمئنا راضيا ... سعيدا
فاللهم أدم

لو اجتمعت أنت و حسني مبارك في غرفة واحدة ؟
بصراحة هقوله (اتق الله)
وأقوم امشي واسيبه
مش هطيق اتكلم معاه اصلا
لان ظلمه استفحل وبقى اكبر من ان الواحد يتكلم
ولكن معذرة الى ربكم فليس شيئا على الله ببعيد
نسال الله الثبات على الحق

لو معاك مليون و نص تعمل بيهم ايه ؟
هما مليون ونص دول يعملوا كام بالمصري
:D
مليون ونص مليون ونص
تعملي ايه يابت يا جهاد
أول حاجة هشتري بيت كبير وجميل نعيش فيه انا وماما وبابا واخواتي
حتى بعد ما نتجوز انا واخواتي
>>> خيركم خيركم لاهله مركزين معايا
تاني حاجة .. هتبرع بجزء للاخوة في حماس
وبعدين اساهم في مشروع لسه بادئ ادعوله يكمل لانشاء دار لاطفال الشوارع
واعمل مكتبة كبيرة لها نشاطات تجذب الاطفال من صغرهم للادب العربي
انا عارفة ان المليون ونص زمانهم خلصوا من زمان
بس انا في مشاريع كتييييييير في دماغي
كفاية دول دلوقتي على ما ربنا يبعت مليون ونص تانين

بتحب مصر ؟
كنت لسه بكلم زميلة ليا في الموضوع ده
بتقولي انا مش بحس بالانتماء لمصر وزعلانة من كده
بس مش بايدي
قلتلها في فرق بين مصر الوطن مصر الارض
ومصر شوية الـ (....) اللي ماسكينها
لكن مصر
كنانة الله في ارضه
وبلاد خير الاجناد
قال فيها ربنا (ادخلوا مصر ان شاء الله آمنين)
مصر
مصر
بجد مش عارفة اتكلم
بحبها... وبس

بتحب البنات ؟
لا
مابحبهمش
صلوا عالنبي يار جالة
اه طبعا بحبهم
بكره افعال بعضهم اه
بس دايما عندي يقين ان كل انسان – ولد او بنت- فيه بذرة خير
عايزة تتروي عشان تطلع
معلش الرجالة ما يزعلوش
انا بهتم بالبنات اكتر من الصبيان .. مش من الناحية الشرعية
لا في الحياة العامة
لان باختصار
(ان علمت ابنا .. فقد بنيت فردا .. وان علمت بنتا .. فقد بنيت أمة)
وفي الاخر احنا شقائق الرجال
ولازم نتكامل عشان الحياة تمشي صح

إنت مسلم ؟
وأفتخر .. اللهم لك الحمد

ليه ؟
لو كانت ليه دي للاثبات
فلأني اشهد بان لا اله الا الله وان محمدجا رسول الله
واقوم الصلاة واصوم رمضان واحج البيت ولسه ماعلياش زكاة
اما بالنسبة لو انا حابة اكون مسلمة ليه
يعني لو لم اكن مسلمة لاعتنقت الاسلام
لان الاسلام دين السماحة دين الروحانية دين العقلانية
دين الشمولية باختصار
ويكفي أنه الرسالة التي ختم الله بها الرسالات وارتضاها لنا

مين أكتر شخصية متقدرش تستغنى عنها في حياتك ؟
أمي وأبي وزوج المستقبل

ليه ؟
أمي وأبي ما أقدرش أتخيل حياتي بدونهم لأنهم قبل ما يكونوا أمي وأبي
هما اخواتي واصحابي واحبائي في الله
وزوج المستقبل لأني ببساطة أعتبره شق روحي >>>يادي الكثوف يا ولاد

المهم اللي بعده

إيه أكتر موقف محرج تعرضت له ؟
هو أكيد فيه كتير
بس اللي فاكراه دلوقتي
كان موقف حصلي أول مرة أركب فيها القطر
انا كنت قاعدة برة مصر بقالي فترة
في المكان اللي كنت فيه كنت عادي خالص زي أي مكان

لما الاقي واحد شيك واقف يوزع كروت اعلانات قدام مول
او واحد مش شيك بيوزع اعلانات في الاشارة
او واحد عادي بيوزع ورق واعلانات في أي حتة
المهم
ركبت القطر اول مرة مع اصحابي والحمد لله ان كان معايا حد
شاب وشه سمح كده قام معدي ومديني كرت مكتوب عليه سورة (قل هو الله أحد)
أنا بكل سذاجة ابتسمت وقلت ربنا يحفظه ماشاء الله مصر بخير
بيوزع ذكر على الناس في القطر
ربنا يكرمه
وقمت حاطه الكرت في الشنطة
لقيت العيال بيضحكو عليا وهو بيبصلي باستنكار
وما يجمع بينهم
(البت دي عبيطة ولا ايه؟)
فعلا بصيتلهم زي العبيطة بالظبط وما خيبتش ظنهم
ايه يا رجالة-
اديهوله-
- اااااااااه هو بيديهولنا نقراه وبعدين يديه لحد تاني وهكذا عشان ياخد ثواب اكبر
ههههههههه
سخسخوا على نفسهم من الضحك وهو شوية وهيضربني
قامو اصحابي واخدين الكرت مني ومدينهوله وبعدين فهموني اللي فيها

بس

و اتصرفت إزاي ؟
على فكرة بتمطوا في الاسئلة زي اختي الصغيرة وانا ما بحبش كده
قلنا اديتهوله واتعرضت لنفس الموقف تاني يوم بس مع واحد بتاع الصم والبكم
ومن ساعتها حرمت اخد من حد حاجة حتى الاعلانات
يعني عبيطة عبيطة مافيش فايدة

إيه الأمنية اللي بتدعي دايما ربنا يحققها ليك ؟
بصراحة بصراحة
أنا مش هقولكم اللي بدعيها علطول لانها سر بيني وبين ربنا

هقولكم الي بعدها

وهي ان ربنا يرزقني الشهادة .. مع زوجي

و اتحققت و لا لسه ؟
اه اتحققت وانا بكتبلكم من الجنة دلوقتي
:D
اسيبكم بقى عشان زوجي بينادي عليا من قصر اللؤلؤ بتاعنا

هههههههههههههههههه

المفروض اني أمرر التاج ده لحد صح ؟

طيب

أمرره لـ

الإيمان هو الحياة

أوراق الورد

أكتب بالرصاص

المضيفة
وطـــني