الثلاثاء، يونيو 12، 2007

حديث الساعة ... المهزلة

اليوم : أبو الفتوح يتحدث عن تزوير إرادة الأمه علي b.b.c
يتحدث الدكتور عبد المنعم أبو الفتوح عضو مكتب الإرشاد عن جماعة الإخوان المسلمين اليوم الثلاثاء الموافق 12/6/2007 عن تزوير إرادة الأمه في الإنتخابات التي أجريت أمس الإثنين علي التجديد النصفي لإنتخايات مجلس الشوري المصري " الغرفة الثانية في البرلمان "
كما يتحدث الدكتور أبو الفتوح ضمن برنامج " حديث الساعة " والذي يذاع في الثالثة بتوقيت القاهرة عن الإنتهاكات التي شابت يوم الإنتخابات علي يد النظام الحالي

هناك 8 تعليقات:

ياسر مدني ...دينامو الإخوان يقول...

سيبك انت مش هنا(نحيه القلب ) أبيض يبقي كله تمام ...وبعدين أيه يعني يزورا الإنتخابات ماهم زوروا إراده الشعب قبل كده وزورا الحياه والحلاوه وكل حلجه جميله في البلد...ووصلت للعبث الدستوري ..وإظاهر كده إن احنا بقينا شويه كور في لعبه صغيره لا يحركا إلا من مسكها وحركها بمزاجه

Alaa يقول...

حسبنا الله و نعم الوكيل
الصناديق تطلع من اللجان فاضية و تختفي و فجاة بقدرة قادر ترجع مليانة
ربنا ينتقم منهم
تزوير ارادة الشعب و سرقة قوت الشعب و نهب اموال الشعب و قاعدين على نفس الشعب
الشعب خلاص تعب

عذرا على عدم متابعة المدونة الكام يوم اللي فاتو لاني كنت مطحون في يومين الانتخابات
ربنا يباركلك و يثبتك
قولي آمين

Alaa يقول...

بالمناسبة
في لحضرتك تاج عندي
ممكن تستلميه من هناك
على يد محضر :)

جهاد خالد يقول...

أخي الكريم .. ياسر مدني

أيوة والنبي يا خويا ربنا رب قلوب
سيبك انتا من الناس اللي عمالين يقولو الاسلام هو الحل
هو يعني الاسلام كان بتاعهم لوحدهم


أما بقى بالنسبة للعب .. فاللي راضي يكون لعبة .. بيتلعب بيه
وللي مش راضي .. بيترمي
بس في السجون

شكرا على الزيارة نتمنى ألا تحرمونا متابعتكم

جهاد خالد يقول...

اخي الكريم .. علاء
خير اللهم اجعله خير .. حضرتك ماتعرفش ان الحكومة بتشتغل اليومين دول بالسحر الاسود

وبعدين كلمة الشعب دي فكرتني باغنية الست ام كلثوم
أنا الشعب انا الشعب
لا اعرف المستحيل
ولا ارتضي للخلود بديلا


متهيالي المفروض يغيروها تبقى
لا ارتضي (للخنوع) بديلا
حسبنا الله ونعم الوكيل



ثم يا سيدي الفاضل
تنير المدونة متى حللتم .. فمرحبا ألف زائرون
ومرحبا آلاف متابعون

كان الله بعونك



جزاكم الله خيرا على التاج
خدته وهجاوبه وابقى انزله باذن الله

غير معرف يقول...

يا جماعة ....خلاص فضوها سيرة بقه وبعدين ابقوا ذاكروا التاريخ كويس مش كل مرة نتكلم في اللي حصل واحنا عارفين من الا ول انه ها يحصل ,ده حتى يبقى تكرار والتكرار بيعلم مين يا حلوين ؟ ؟ ؟ برافوا عليكوا الشطار,ذاكري يا دودو احسنلك.

غير معرف يقول...

سلام عليكم يا أشرف ناس في البلد
تفتكرو النظام ده هيعمل ايه أكتر من كده؟
تفتكرو الطواغيت ينفع معاهم ايه
أنا رأيي إن احنا نرجع النظام الخاص من جديد
ولا انتو ايه رأيكم
الله.. هم ايه الفرق بينهم وبين الانجليز ولا اليهود
استغفر الله
ده خواطر في عقلي اعذروني
الأمر يخللي العاقل يطلع من....
ولا بلاش
يللا سلام

جهاد خالد يقول...

مانتي حبيتي
معلش يا ماما اصل التاريخ محتاج حفظ مافيش مادة فهم ؟
اما المذاكرة مانا معرفاكي كل حاجة
المادة اللي بتتذاكر في ساعتين
عارفاها
:)



اخي ابراهيم
عندك حق والله
الواحد خلااااااااااااااص هيطق